(photos d’hiver 2009-10 de Gaelle Vigroux-Albinet du Puech Issaly) 

« … Me remembri los ostals èran pas subrecalfats coma uèi e tanplan quand se desrevelhavan de matin l’aiga aviá gelat dins lo farrat sus l’aguièira o lo vestit espandit la velha al ser dins la cosina èra enregdesit pel gèl.

Me remembri los dessenhs subrebèls depausats pel gibre sus las vitras e que desvistàvem lo matin quand nos levàvem dins l’ostal glaçat.

Tòrni véser los montets de lenha que carrejàvem a l’abric a la davalada per passar l’ivèrn.

Tòrni pensar als païsans que dempuèi las bòrias las pus recuoladas montavan sus l’esquina los bidons de lach de feda fins a la rota granda ont lo carrejaire fasiá l’impossible cada jorn per los venir amassar. La fabricacion del Rocafòrt se chautava plan de la nèu suls camins ! Lo bidon de lach, magra mas tan preciosa sorga de revengut per las familhas … »

 «  … Je me souviens les maisons n’étaient pas surchauffées comme aujourd’hui et aussi, quand on se réveillait de bon matin, l’eau avait gelée dans le seau sur l’évier ou le vêtement étendu la veille au soir dans la cuisine était raidi par le gel. Je me souviens les dessins superbes déposés par le givre sur les vitres et que nous découvrions le matin quand nous nous levions dans la maison glacée.

Je revois les tas de bois de chauffage que nous charrions à l’abri à l’automne pour passer l’hiver.

Je repense aux paysans qui depuis les fermes les plus reculées montaient sur le dos les bidons de lait de brebis jusqu’à la grande route où le charretier faisait l’impossible chaque jour pour venir les ramasser. La fabrication du Roquefort se moquait bien de la neige sur les chemins ! Le bidon de lait, maigre mais si précieuse source de revenu pour les familles… »
Texte extrait de « La nèu » (La neige) de Gilles Combes (revue Patrimoni décembre 2009).